Chapter 55
Nang lisanin nila ang tindahan ay napansin nila na mas dumami pa ang mga tao sa bayan ng priyesa. Sabi sa kanila ni Pen kanina ay normal pa daw ang ganoon karaming tao dahil malapit na ang pista ng bayan ng priyesa. Naghahanda na raw kasi ang ibang mga tao sa nayon at namimili na ang mga ito ng mga pagkain.
“Siksikan na ang ibang mga mamimili!” sabi ni Pika.
Totoo nga naman, marami na ang mga nagkakatulukan sa pagbili ng mga gulay at prutas. Ang iba naman na mga tindera ay hindi magkamayaw sa pag-aalok ng kani-kanilang mga itinitinda.
Habang naglalakad sila ay may isang lalake ang nasa harapan ni Sayah. Nasa edad bente pataas na ito sa kaniyang tingin. Ang lalake ay may hawak na basket sa magkabilang kamay. Ang laman ng mga basket ay mga manggang hinog.
Mabagal maglakad a
