Chapter 21
Nang makauwi, naramdaman ni Sayah ang p*******t ng kaniyang katawan. Mula ulo hanggang paa. Dahan-dahan siyang naglalakad sa kahabaan ng pasilyo habang hawak ang kaniyang balakang.
Ang sabi ni Xen sa kaniya ay hanggang tanghali lamang sila magsasanay nang araw na iyon ngunit dahil nais niya pang manatili ay tumakbo siya pababa at paakyat ng bundok hanggang hapon.
Nanatili rin siya sa ilog ng halos dalawang oras at ginawa ang itinuro sa kaniya ni Xen upang mas maging matalas ang kaniyang pakiramdam.
“Sayah? Sayah? Sayah?”
Napalingon si Sayah sa tumawag sa kaniya, ngunit wala naman siyang nakita. Malapit na siya sa kaniyang silid nang marinig ang matinis na boses na iyon.
“Sayah? Sayah? Sayah?” sabi muli ng matinis na boses.
Hindi kaagad napansin ni Sayah ang nilalang na t
