Chapter 20
“Bababa na ako, kung ayaw mo ay maaari ka nang umalis, hindi namin kailangan ng mahihina ang loob dito.”
Nakagat ni Sayah ang pang-ibabang labi dahil sa sinabi ni Xen, wala na ito ngayon sa kaniyang harapan at siya na lang ang naroon. Umalis na ito at iniwan siya, muli ay tinitigan niya ang gamit na iniwan nito pati na ang pabigat na itatali sa kaniyang baywang.
“Nagalit ko na naman siya,” sabi ni Sayah.
Nilapitan ni Sayah ang sako at kinuha ang tali, itinali niya iyon sa kaniyang baywang at pagkatapos siya ay huminga ng malalim.
“Hindi na dapat ako magreklamo! Kaya ako narito ay para magpalakas, kailangan kong maging malakas para maipaghiganti ang pamilya ko sa bampira na pumaslang sa kanila,” sabi niya sa sarili.
Sinimulan ni Sayah ang pagtakbo paakyat at baba ng bundo
