Chapter 38
Nang makalabas si Sayah ng opisina ni Kizo ay sinamahan niya si Pika sa tahanan nito. Hindi pa rin niya makalimutan ang pag-uusap kanina sa opisina tungkol sa kwintas na ipinasuot sa kaniya ng kaniyang ina.
“A-Ano? Ang tinutukoy mo ba Master ay ang valora?”
Ito ang narinig ni Sayah mula kay Driz habang hindi makapaniwala na nakatingin sa pinuno na si Kizo. Naguguluhan man sa sinabi ng isang lider ng vampire hunters ay hinintay niya ang paliwanag ng pinuno.
“Oo, tama ka, Driz. Ito nga ang valora. Mayroong apat na kwintas na ibinibigay ang vantress sa mga vampire hunters na mayroong mataas na parangal. Maaaring nakapaslang sila ng mataas na uri ng bampira o hindi kaya naman ay maraming mga nilalang na ang natulungan at tumaas na ang lebel ng kapangyarihan.” Sabi ni Kizo.
Ngu
