Chapter 85
“Narito na ang malamig na tsokolate para sa inyo,”
Napalingon si Sayah nang marinig ang boses ni Banjo, may hawak lalagyanan kung saan nakalagay ang mga baso na may lamang malamig na tsokolate.
“Narito na, narito na!” sabi ni Didi.
Tumakbo ang tatlong bata papunta kay Banjo. Nang maibaba nito ang mga inumin ay ibinigay nito ang mga iyon isa-isa sa kanila.
“Salamat, Banjo,” sabi niya.
“Salamat po, Lolo Banjo!” sabay-sabay na sabi ni Didi, Karin at Jin.
Ngumiti si Banjo sa kanila at nagsalita, “Walang anuman.”
Nang aalis na si Banjo ay tinawag ito ni Zico, “Banjo, marami ka pa bang gagawin?”
“Wala naman, wala din tao ngayon dito at kayo lang, mukhang nagsiuwian ang mga tao dito sa bayan dahil sa nangyaring kaguluhan sa silangan kanina.” Sagot ni Banjo.
“Oo, pinaalis
