Chapter 70
“Terra”
Napatingin ako sa nagsalita. Nang lingunin namin ito ni Uzni ay napaangat ang aking kaliwang kilay.
“Jika? Bakit? Hinahanap na ba kami ni Zico?” tanong ni Uzni.
Nang mapatayo ito ay tumayo na rin ako. Lumapit kami kay Jika na mayroong seryosong ekspresyon sa mukha. Hindi iyon ang mapagbirong Jika na nakilala niya. Mukhang may nangyari kaya’t ganoon ang itsura nito.
“May nangyari ba? “ tanong muli ni Uzni.
Hindi nito sinagot ang babae ngunit si Jika ay tumingin sa kaniya at ngumiti.
Ayon na naman ang ngiting nababalutan ng lungkot.
Sabi ni Sayah sa sarili. Ang ngiti ni Jika ay hindi man lamang umabot sa tainga nito at ang mga mata ay parang kay daming nais na sabihin.
“Sayah, kaya mo bang bumalik mag-isa sa kainan kanina? Naroon si Zico at naghihintay.” Sabi ni
