Chapter 68
Hindi mawari ni Sayah kung ano ang dahilan ng kalungkutan na nararamdaman niya ngayon kay Uzni. Ang ngiti kanina ng babae ay may laman na lungkot at ang mga mata nito ay parang kay dami ng nais sabihin.
Nang marinig niya mula rito na si Hylos ang naging kaisa-isang kasintahan ay hindi pa siya makapaniwala. Hindi niya lubos maisip kung paano... paano ang isang katulad ni Hylos na parang kulang ng turnilyo ang isip ay sasagutin ni Uzni noon?
Nasagot lamang kanina iyon nang sabihin sa kaniya ni Uzni na sinagip lamang ito ni Hylos dahil sa mga sinabi ni Jikaztra dito. Bigla niyang nais malaman ang nangyari.
Ngayon ay naglalakad sila ni Uzni sa isang malawak na palaruan ng mga bata. Naupo sila sa isang upuan na kahoy. Wala nang tao sa paligid at ang tanging ingay na lang na mari
