Chapter 62
Kasama ni Sayah si Pika na bumalik sa kaniyang silid. Ikinwento niya sa kaibigan ang mga napag-usapan kanina sa opisina ni Kizo. Sinabi niya kay Pika ang tungkol sa dalawang vampire hunters na pinaslang ng isang pureblooded x vampire.
“Ah, sina Ilina at Cali, naku, mababait sila Sayah, alam mo ba isa sila sa taga pagtanggol ko noon! Bata pa lang kasi ako at naabutan ko pa sila dito sa vantress.” Sabi ni Pika.
Naging intresado siya sa ikinukuwento ng kaibigan. Ang pagtutupi niya ng mga damit ay napahinto at napatingin siya dito.
“Si Ilina ay mayroong hindi pangkaraniwang kulay ng buhok, isa sa dahilan kung bakit madalas siya noong pagkatuwaan nila Zico.” Sabi ni Pika.
Iyon nga ang napansin ni Sayah kanina, ang kulay pulang buhok ng babae. Mahaba iyon at nakatirintas. Kat
