Chapter 23
Katulad nang napag-usapan nang nakaraang gabi ay sumama si Pika sa kaniya sa pagsasanay, ito ang nakasama niyang umakyat nang bundok nang araw na iyon. Natutuwa siyang kasama si Pika dahil sa masiyahin ito at palakwento.
“Alam mo ba Sayah, noong bata si Xen ay madalas kaming maglaro diyan sa sapa, iyong nadaanan natin kanina?” sabi ni Pika.
Tumango si Sayah dito. Natatandaan niya ang sapa na iyon, maganda nga ang sapa at malinis ang tubig, mayroong iba’t-ibang klase ng ibon at ang mga bulaklak ay magaganda.
“Pili lamang ang sinasamahan ni Xen noon, ako at si Diko lamang,” sabi ni Pika.
Hindi na nagtaka si Sayah sa kaniyang nalaman, sa ugali ni Xen at sa taglay na kasupladuhan nito ay walang maglalakas loob na kausapin ito.
“Nasaan naman ang Diko na iyon, Pika? Katulad mo b
