ZILLENE MADRIGAL
HINDI ako nagkakamali. Ito ang alagang aso ni Maddison! Ang asong ipinangalanan namin alin sunod sa pangalan ni Mayor Magnus. Naririto ito ngayon sa harapan ko at wala ng buhay.
Karumaldumal ang ginawa nilang pagpatay sa aso! Masahol pa sa demonyo ang taong gagawa ng ganito kasamang bagay!
"Zillene. What's happening there?" malakas na kalabog ang ginawa ni Mayor Magnus sa pinto. Kulang na lang ay gibain niya ang pinto namin.
"Zillene?! Okay ka lang?" si Terrence.
Kahit bakas pa rin ang takot ay pinilit ko ang sariling sagutin ang tanong ng mga ito. "O-Okay lang ako," sigaw kong pabalik pero hindi pa rin nawala ang panginginig ng boses.
Nanginginig kong isinara ang box. Umalingawngaw ang amoy ng dugo nito. Base sa amoy ng dugo, sa tingin ko kakapatay pa lang sa aso.
