ZILLENE MADRIGAL
HINDI PA ito nakuntento at muling pinaulanan ng suntok si Terrence. Dahil sa pagkagulat ay agad ako nakagalaw mula sa kinatatayuan, noon lang promoseso sa utak ang nangyayari.
"T-Terrence!"
Dahil mas malaki ang katawan ni Mayor kumpara sa pipitsuging katawan ni Terrence ay hindi man lang nito nagawang makaganti kahit ni isang suntok man lang. Hindi rin siya hinayaan ni Mayor na makatayo.
Nailipatan ko silang dalawa upang paghiwalayin. Malakas kong itinulak si Kuya Magnus papaalis sa ibabaw ni Terrence. Baka mapatay niya pa ang kaibigan ko dahil sa ginagawa niya!
Nang tuluyan ko na itong mapatigil ay agad kong dinaluhan ang kaibigan ko. Hindi ako makapaniwala ng makita ang itsura nito. May sugat siya sa gilid ng kilay, putok ang labi at patuloy sa pag-agos ng dugo ang
