Chapter 79
UNO
HABANG papalapit ang speedboat, unti-unting lumilinaw sa paningin ko ang isla. Malawak ang Isla ng mga De Vera, parang sariling kaharian sa gitna ng dagat. Sa tuktok ng mabato at matarik na talampas nakatayo ang villa, puro salamin ang harapan, kita ang buong horizon, parang postcard sa sobrang ganda. Breathtaking kung tutuosin. Pero hindi ako napapahanga sa ganitong klaseng lugar. Alam ko kung anong klaseng pera ang bumuo sa mga pader na iyon.
Habang papalapit kami sa dock, nakita ko siya. Matangkad, maayos ang tindig. Walang iba kundi si Congressman Matteo Aristotle De Vera. Mas bata siyang tingnan sa personal kaysa sa TV, pero mas mabigat ang presensya. Sa tabi niya ay isang magandang babae, eleganteng manamit, tahimik ang kilos pero may dating. Kung ibang lalaki sigur
