“Ma, gusto niyo po bang sumama sa amin sa Bicol? Napag-usapan po kasi namin ni Brent na doon na po manirahan, eh. Kaya lang po ayaw namin na maiwan kayo rito lalo na’t kayong dalawa lang po kayo ni Dani rito. Ito pong bahay natin, gawin na lang po natin ito na bahay bakasyunan kapag pumupunta po tayo rito. Ano po sa tingin ninyo? Sang-ayon po ba kayo?” Magkahawak-kamay sina Diva at Brent habang kinukumbinsi ang mama at kapatid ni Diva.
“Oo nga po, Mama,” segunda naman ni Brent. “Doon po kasi sa probinsya ay maaalagaan po namin kayo. Maipagluluto ko po kayo roon at anumang oras po ay puwede po tayong umakyat sa bundok kagaya po ng gusto niyo.”
Wala na raw kasi ang papa niya kaya naman hindi raw maaari na iwanan nila rito ang pamilya niya.
"Kapag hindi po kayo sumama sa amin, tiyak na ma
