⑅✿⑅ELLA⑅✿⑅
Hindi mapakali si Ella habang panay ang sulyap sa orasan ng kaniyang cellphone. Nasa labas siya ng master's bedroom at nagdadalawang-isip kung kakatok. Sinabi kasi kanina ni Xander na ayaw nitong magpaistorbo dahil maraming gagawin at sinunod nga niya iyon. Subalit sa mga sandaling ito, iilang minuto na lang ay mag-aalas otso na ng gabi at sa ganitong oras ay may kasunduan silang hindi niya kinakalimutan.
Buhat nang pumasok siya kanina sa opisina ni Xander ay hindi na niya nakita ang amo. Hindi kasi ito bumaba at marahil nagpakasubsob sa trabaho. Ni bumaba para kumain ay hindi nito nagawa. Habang sila ay tapos nang maghapunan at handa nang matulog. Nakahiga na nga sa kama ang kaniyang mga magulang at si Rap-Rap nang iwan niya ang mga ito sa baba.
Sinuklay ni Ella ang kaniyang
