⑅✷⑅XANDER⑅✷⑅
Malayang pinagmasdan ni Xander ang mukha ni Ella habang mahimbing itong natutulog sa kaniyang tabi. Ang akala ni Ella ay tulog na siya kaya't makailang beses itong nagtangkang bumangon upang lumabas ng kaniyang silid. Ang hindi alam ni Ella ay gising siya at pinakikiramdaman niya ito.
Sa huli, sumuko rin si Ella dala marahil ng antok. Nakatulog ito at nakaunan sa kaniyang braso. Inayos ni Xander ang pagkakabalot ng kumot sa katawan ni Ella. At kasunod niyon ay niyakap niya ng walang kasing higpit.
Hindi ni Xander maipaliwanag ang kaniyang nararamdaman. Sa pagpasok ni Rap-Rap sa pamamahay niya ay tila ba may bahagi ng kaniyang puso na nagising para sa mag-ina. Awang-awa siya sa bata sa tuwing sumasagi sa isip niyang wala na nga itong ama, nilayo pa niya sa sariling ina.
Na
