Sue’s pov
Hanggang sa makarating sila sa Palacio De Maynila ay nagbibiruan sila ni Blake. Nakatulong iyon sa kanya upang mas lumakas ang kanyang loob. Hindi niya alam kung paano niya haharapin si Feonna at Angelo pero isa lang ang gusto niyang gawin. Hindi siya uurong sa mga ito at maging kay Winston.
Haharap siyang nakataas ang noo.
“Blake,” tawag niya sa lalaki pagbaba nila sa sasakyan. Ang kabang saglit niyang nakalimutan kanina ay muli na naman niyang naramdaman.
“Bakit?” kunot- noong wika ni Blake sa kanya.
“Kinakabahan ako,” nakangisi niyang wika sa lalaki. Pakiramdam niya ay nanlalamig ang kanyang mga kamay sa nerbiyos.
“This is the time, Sue. Ito na ang hinihintay nating pagkakataon,” wika sa kanya ni Blake. “Hawakan mo ang kamay,” utos sa kanya
