Blake’s pov
HINDI akalain ni Blake ang kanyang makikita nang puntahan niya si Acaly. Gusto niya sanang ibalita sa babae ang tungkol sa kanyang natuklasan. Siya pala itong masosorpresa. Hindi niya inaasahan na sa bahay ng babae niya makikita si Sue. What a small world para sa kanilang lahat. Pinagtatagpo sila ng tadhana.
“Sue?” hindi niya napigilang wika. Napatingin sa kanya ang tatlong babae. Kapwa umiiyak ang mga ito.
Tumayo si Sue at patakbo siyang niyakap ng mahigpit. Hindi niya napigilan ang hindi maiyak nang masiguro niyang si Sue nga ang nasa kanyang harapan. Salamat naman at ligtas ito. Ilang araw na siyang hindi makatulog dahil sa pagkawala ng babae. Nababaliw na nga yata siya sa takot na baka napahamak na ito.
“Thanks God your safe,” wika niya sa babae. Hinaplos niya ang mukha
