Blake’s pov
DUMAAN muna si Blake sa lawyer bago niya planong puntahan si Acaly. Gusto niyang kumonsulta ng lawyer sa kasong isasampa nila kay Feonna kung sakali.
Kanina pa siya sa office ng Gaugano Law Firm pero wala pa rin ang kanyang kausap. Naiinip na siya. Isang oras na rin siyangn naghihintay. Tatayo na sana siya upang umalis nang biglang bumukas ang pinto. Muntikan pang tumama sa kanya ang pinto ng opisina nito kung saan siya naghihintay.
“I’m really sorry. I’m late. Naipit ako sa traffic,” wika sa kanya ng babaeng kaharap. Ito yata si Atty. Vivian Gaugano na kilala ng kanyang ina. Hindi niya akalain na napakabata pa nito. Sa tingin niya ay kaedaran lamang ito ni Acaly. Ang inaasahan niyang magiging kaharap ay may edad na lawyer. Matanda pa yata siya sa babae.
