THIRD PERSON'S POV:
Nahulog si Veronika sa bangin at tinangay siya ng malakas na alon. Pilit siyang lumalaban sa agos, ngunit napakalakas ng mga alon at siya'y walang magawa. Ayaw man niyang sumuko, ngunit sadyang napapagod na ang kanyang katawan. Namamnhid na ang mga braso't paa niya. Kaya imbes na kumawag pa ay nagpatianod na lamang siya sa lakas ng alon.
Tuluyan na sana siyang mawawalan ng malay, kung hindi lang bumangga ang katawan niya sa malaking bato. Halos maiyak siya nang doon ay mahigpit na kumapit at tuluyang nagpakawala ng isang malalim na buntong-hininga. Ang sakit na naramdaman niya mula sa pagkakabangga ay nagbigay sa kanya ng kaunting lakas upang magpatuloy. Pilit niyang iniangat ang kanyang katawan mula sa tubig, habang ang mga alon ay patuloy na humahampas sa kanya.
"O
