Hindi ko alam kung anong nagtulak sa akin para sundan siya. Basta nang makita kong basang-basa na ang mukha nya dahil sa kanyang mga luha, may part sa akin na gustong tumakbo palapit sa kanya at patahanin siya. Pero hindi pa kami tuluyang nakakalapit ni Rad sa table na inookupa nila, tumayo siya at nagmamadaling tinungo ang daan papuntang banyo.
Mabilis akong napabitaw kay Rad. At imbes na dumerecho ako sa table, sinundan ko siya.
"Aly, saan ka pupunta?"
Nilingon ko si Rad. "M-Magbabanyo lang ako." Halos kasabayan ko pang humakbang ang medyo tabain na babae na singkit at maputi. "Susundan mo siya?" Tumango lang siya at hindi sumagot. Hinawakan ko siya sa braso. "Ako na." Nginitian ko siya ng tipid bago ko siya tuluyang iniwan.
Pagpasok ko pa lang sa loob ng banyo, dinig na dinig ko na
