“Mabuti na rin sigurong hindi ito makarating kay Boss Hades.”
Naudlot ang paghakbang ni Hades sa mahabang pasilyo nang marinig ang boses ni Morris sa terasa sa labas. Wala siyang balak na magtungo kung saan naroroon ang Consigliere at napadaan lang talaga siya, subalit hindi niya inaasahan ang pagbanggit nito sa pangalan niya.
Huminto siya at lumingap sa kinaroroonan ni Morris. Nakatalikod ito sa kanya. Si Lukas ang kausap nito na nakatagilid naman at nilalaro ang stick ng sigarilyo ng mahahaba nitong mga daliring hugis kandila. Nasisiguro niyang hindi napansin ng dalawa ang presensya niya.
May tatlong miyembro ng Kratos ang nakasunod sa likod niya, na ang tungkulin ay tiyakin ang kanyang seguridad. Kahit ang totoo ay kayang-kaya niyang protektahan ang sarili niya at mas kailangan pa ng
