Nabitiwan ni Proserpina ang hawak na baso at nabasag iyon nang bumagsak sa baldosa. Natutop niya ang tapat ng bibig, sapagkat kasalukuyang inuulat ng mga reporters sa telebisyon ang pagsabog ng sinasakyang pribadong eroplano ni Hades na maghahatid daw dapat dito sa ibang bansa para sa isang mahalagang pakikipag-usap sa importanteng kliyente ng kompanya.
Ayon sa isinalaysay ng reporter, nakaplano na ang ilang buwang pananatili dapat ng CEO na si Helios Credenza ng Vasileía sa ibang bansa, kaya pansamantala na itong nag-appoint ng taong mamumuno sa kompanya habang wala ito sa Pilipinas, subalit nangyari nga ang hindi inaasahan ng lahat—sumabog ang pribado nitong eroplano.
Totoo ba itong nakikita niya ngayon?
Hindi…
Mariing dumakma ang kamay niya sa tapat ng kanyang dibdib. Tila sasabog i
