Nang matapos kumain si Alyana ay niyaya na siya ni Raji na umalis. Hindi niya alam kung saang branch sila pupunta at kung bakit kailangan pa siyang kasama. Marami sana siyang gustong matutunan sa opisina kanina at natutuwa siyang matyaga siyang tinuturuan ni Fe.
Habang naghihintay siya sa lobby ay isang lalaki ang lumapit sa kanya. Base sa uniporme nito, emplayado ito ng BLFC.
"Saang department ka? Bago lang kita nakita dito," nakangiting wika ng lalaki.
"Sa opisina ni Sir Raji," tipid na sagot ni Alyana. Hindi naman niya alam kung ano talaga ang magiging trabaho niya dito.
"Ang ganda pala ng pangalan mo, kasingganda mo. Ako si Samson, messenger dito sa BLFC."
Isang tango at matamis na ngiti ang isinagot niya dahil nakita niyang papalapit na ang sasakyan ni Raji na nakababa ang binta
