Habang nasa opisina at walang ginagawa ay nakapagdesisyon na si Sebastian. Pupuntahan na niya si Red. Siguro ay mabuti na mapag-usapan na nila kung ano ang mas makakabuti sa kanila. Kailangan na nilang ayusin ang problema nila kung mahal din naman nila ang isa't isa kaysa pinahihirapan nila ang sarili at pinaiiral ang pride. Pupuntahan na niya si Red sa isang linggo. Naisipan na lamang niyang tawagan muli si Bea upang makumusta ang nobya.
"Kuya," wika ni Bea habang nasa opisina ito at may inaaayos sa next modelling event nila. Agad na sinenyasan nito ang asawa na si Blue na ang caller niya ay si Sebastian. Ini-loud speaker nito ang cellphone upang marinig ni Blue ang usapan nila. Nag-aalala rin kasi ito sa kapatid. Nais na rin sana nito na maging maayos na ang relasyon ng dalawa.
"Kut
