Red :
Tulad nang nagdaang araw ay agad na umakyat si Red sa kanyang kwarto. Ramdam niya ang pagkailang sa paraan ng pagtingin sa kanya ng kapatid at magulang. Siguradong alam na rin ng mga ito ang lumabas na video. Ipinasya niyang buksan ang kanyang bintana para lumanghap ng sariwang hangin mula sa labas. Napabuntunghininga siya nang malalim. Pagkuwan ay tumingala siya sa langit na sa pakiwari niya ay tulad niyang malungkot. Pawang kadiliman lamang ang siyang matatanaw. Walang bitwin na makikita kahit isa. Blangko pa rin ang utak niya. Basta lamang siya nakatanaw sa langit ngunit wala naman iniisip. Katok sa pintuan ang nagpabalik sa wisyo niya. Nagtungo na siya sa pintuan at binuksan iyon.
"My dear," nakangiting wika ng kanyang ina.
Pilit na ngiti ang naging tugon niya rito.
"Maaari b
