Baste :
Halos hindi siya nakatulog. Nakapikit siya pero gising ang diwa niya. Tapos maaga pa siyang nagising dahil sa alarm ng kanyang cellphone. Kung kailan naman kailangan na niyang gumising ay saka naman siya inaantok. Noong panahon na sundalo pa siya ay sanay siya sa walang tulugan, ngayon ay iba na. Minabuti niyang mag-stretching muna upang magising ang mga cells niya sa katawan. Binuksan niya ang kanyang cellphone at ipinasya niyang i-text si Red. Binati na lamang niya ito at kinumusta. Nais sana niyang tawagan ito ngunit nagbago ang isip niya. Naisip niya na kung hindi maganda ang pakiramdam nito nang nagdaang gabi ay baka hindi pa ito gising. Baka makaistorbo lamang siya sa pagtulog nito.
"Magandang umaga po, Mang Pedring," pagbati ni Sebastian sa kanilang driver paglabas niya s
