Sakto lamang ang dating niya sa mall. Bago mag alas diyes ay nandoon na siya. Minabuti niyang maghintay sa malapit sa entrance ng parking. Sumikdo ang puso niya nang matanaw si Red na papasok na ng entrance. Pagpasok nito sa mall ay hindi nakaligtas sa mga mata niya kung paano tingnan si Red ng mga security guard. Hindi maikakaila na agaw atensyon ang mukha nito. Nakasuot ito ng fitted light blue jeans at pure white long sleeve. Ang maliit nitong mukha ay may konting blush on lamang. Ang labi nito ay pinahiran ng nude color lipstick. "Simpleng ayos pero malakas ang hakot," wika ng isang tinig sa isipan niya. Kukuha lamang siya ng tiyempo para lapitan ito. Hindi pwede na pairalin niyang muli ang pagiging torpe. Tahimik na sinundan niya si Red. Patungo ito sa department store. Pumasok na ri
