KASALUKUYAN na akong nakauwi sa sarili kong condo matapos naming mag-usap ni Jetro.
Nasa veranda ako at nakatanaw sa ibabang bahagi nitong mataas na gusali na kinatatayuan. Mahabang oras kaming nag-kuwentuhan ng kaibigan at totoong nalibang ako. It’s been days since the last time I spoke with someone ngunit napatunayan kong madalas ay kailangan rin ng insights ng iba upang mas malinawan sa problema. Hindi naman pakiki-sawsaw ang tawag sa ganoon, lalo na sa ginawa ni Jet kanina bagkus ay tinulungan pa niya ako upang makapag-desisyon ng tama.
Tinitimbang ko ang mga sinabi ni Jetro kanina sa coffee shop. Walang kwestyon na mahal ko si Kurt, sapat na nga ba ang pagmamahal na iyon upang patawarin ko siya? Ang kalimutan na lahat ng nangyari ng gabing iyon?
Nahulog ako sa malalim na pag-iisip.
