“Sumagot ka, Pierce! Nasaan si Bram?! Nasaan si Bram?!” giit ni Sky.
Gusto na niyang pitserahan ang binatang halatang inaasar siya sa pambibitin ng sagot nito sa kanya. Kung hindi lang niya alam na magmumukha siyang engot na tumutulak sa sementadong pader ay malamang niyugyog pa niya ito sa labis na pagka-inip sa sagot nito.
“Or perhaps I should say, maybe, just maybe I know where he is. Hindi ako sigurado sa nalaman ko, pwedeng totoo iyon, pwede ring hindi. Alam ni Stella na nasa iyo ang katapatan ko kaya sigurado siyang makakarating sa iyo agad kapag nalaman ko kung nasaan si Bram ngayon. And let me tell you this, that woman is---“
“Pierce! Just tell me where he is!” pagigil na aniya.
Alam niya kung saan nito natutunan ang paliguy-ligoy nitong pagsagot. Walang iba kung hind
