Akala ni Sky ay hindi hihinto sa paglalakad si Bram. Alam niyang narinig siya nito dahil ilang dipa na lang ang layo niya mula rito. Kitang-kita niya ang paninigas sa tensyon ng likod nito bago ito dahan-dahang humarap sa kanya. Nahigit niya ang paghinga niya.
Mahigit isang buwan pa lang mula nang huli silang magkita pero tila isang taon na ang tagal niyon sa laki ng pagbabago sa anyo ni Bram. Tulad ni Pierce ay mabilis tumubo ang balbas at bigote ni Bram kaya naman araw-araw din kung mag-ahit ito. Pero tila kinalimutan ni Bram ang pag-aahit nitong nakalipas na buwan dahil makapal na ang bigote at balbas nito. Gayunpaman ay hindi iyon nakabawas sa kagwapuhan ng binata. Sa halip ay nakadagdag pa nga iyon sa taglay
