“Mission one accomplished!” nagagalak na sambit ni Sky sa sarili habang tinitignan niya ang mga litrato sa digicam niya.
Mga litrato nilang tatlo nina Pierce at Mama Janice sa Kiltepan Peak kaninang umaga. Pinanood nila ang bukang-liwayway. Kahit panay ang hikab ni Pierce habang inaabangan nila ang paglitaw ng araw ay hindi naman ito umangal. Ito pa nga ang kusang kumuha ng mga litrato nila kaya ang gaganda ng mga kuha nila ni Mama Janice.
Noong una ay hindi agad naging malugod at mainit ang pakikipagharap ni Pierce sa ina nito. Nauunawaan naman iyon ni Mama Janice. In fact, handa si Mama Janice na umuwi na muna ng Tarlac at hintayin na lang ang pagtawag ni Pierce dito. Sapat na raw kasi kay Mama Janice na nakaharap at kahit papaano ay nakausap nito ang anak sa unang pagkakataon. Kahit
