“Magkakilala ho ba tayo?” untag ni Pierce kay Mama Janice.
Bumuka ang mga labi ni Mama Janice pero walang salitang namutawi mula rito. Nangilid ang luha nito at marahil sa takot na bigla itong mapahagulgol sa harap nila ay walang salitang tumakbo ito palayo. Nag-aalalang bumaling si Sky kay Bram upang hilingin ditong sundan ang babae at tiyaking hindi iyon mapapaano. Siya na sana mismo ang gaggawa niyon pero hindi niya maaaring iwan si Pierce. Ramdam kasi niya ang biglang paninigas ni Pierce habang habol ng tingin ang papalayong ina nito.
“Pierce---“
Madilim ang anyong tumingin sa kanya si Pierce. Mahigpit na nakakuyom ang mga kamao nito. And by the look in his dark blue eyes, she could tell that he had already guessed who Mama Janice was.
“You asked you ex-boyfriend to search for that
