Binuksan nito ang pinto sa backseat para sa kanya. Sumakay na sa driver’s seat si Boyet at ini-start na ang makina ng kotse. Akmang sasakay na rin siya nang pigilan siya sa braso ni Pierce.
“Nariyan sa backpack mo ang first aid kit. May tubig, cupcakes, Snickers bar at apples ka rin diyan. Kumain ka kapag nagutom ka. Huwag na huwag mong tatangalin ang seatbelt mo hanggat hindi humihinto ang kotse. You’d be travelling for six hours and---“ huminto ito sa pagsasalita, pagkuwan ay umiling. “You know what? I changed my
mind. Ako na lang ang maghahatid sa iyo---“
Sinubukang abutin ni Sky ang tuktok ng ulo ni Pierce. Pero dahil sa tangkad ng binata, sa noo lang nito lumapat ang kaliwang palad niya. Pumikit siya at nagkunwaring nagtsa-chant na animo espiritistang nagpapala
