"Congratulations!"
Masigabong palakpakan at hiyawan ang narinig sa buong lugar dahil sa pagtatapos nila. Tumayo kami at nakangiting sumabay sa palakpak ng mga tao. Sa dagat ng mga nakaputing istudyante, nakita ko ang grupo nila. Ngayong araw na ang pagtatapos nila Ergos at ng kanilang buong barkada.
Pinagmasdan lang namin silang tumatawa na nakikipagbatian sa iba. Maingay at purong saya ang nasa mukha ng lahat.
"Tara lapit na tayo sa kanila!" masayang akay ni Kathara. Maliban sa kanilang dalawa ni Poleng ay kasama rin kami nila Simie at Gwen para saksihan ang masayang pagtatapos ng mga estudyante nasa grade twelve.
Hindi nawala ang ngiti sa amin noong sabay sabay kaming bumaba para lapitan na sila na masyang nakipagbatian sa iba pang estudyanteng nakasama nilang magtapos. Ilang metro m
