Muling kumatok si Brixton sa pintuan.
Mas malakas kaysa kanina.
"Karah, open the door!"
Nanatiling tahimik ang loob ng silid. Ngunit sigurado siyang narinig siya ni Karah at gising pa ito. Ramdam niya iyon. Ramdam niya ang presensya nito sa kabilang panig ng pintuan.
Mariing napabuntong-hininga si Brixton bago muling kumatok—sunod-sunod na katok na halos yumanig sa pinto.
"Karah!"
Sa loob ng silid ay napapikit si Karah habang mahigpit na nakakuyom ang kanyang mga kamay sa kumot. Ngunit sa lakas ng katok ni Brixton ay wala na siyang nagawa kundi bumangon.
Mabigat ang kanyang mga hakbang habang lumalapit sa pintuan.
Pagkabukas niya ay agad niyang nakita ang galit at nag-aalalang mukha ng lalaki sa harap niya.
Namumugto pa rin ang kanyang mga mata.
"Ano?" malamig niyang tanong.
Hi
