HINDI mapakali si Gianna sa kanyang kinauupuan. Hindi niya kasi alam kung paano magpapaalam kay Dominic na dadalawin niya ang pamilya.
Napaigtad siya nang magsalita ito. "May problema ba?" tanong nito. Diretso pa rin ang tingin nito sa daan. Papunta sila sa supermarket upang mamili ng mga groceries dahil out of stock na sila.
Napansin yata nito ang pagka-aligaga niya. "A-ah. K-kasi." Nahihiya talaga siya. What if hindi pumayag ito? Lalo pa't hindi pa sila nakakabuo. Baka kung ano ang isipin nito oras na malayo siya rito.
Tinignan siya nito. Salubong ang kilay. "Tell me," mahinahon ngunit ma-awtoridad na saad nito.
"Magpapaalam sana ako sa'yo," aniya sa wakas.
Mas lalong nagsalubong ang mga kilay ni Dominic. "Sa'n ka pupunta?"
"Sa probinsya. Gusto kong dalawin ang pamilya ko. Baka kas
