Nang marinig ko ang tunog nang sumarang pinto ay tsaka lang ako nagpakita ng emosyon.
Narinig ko rin ang tila nahahapong buntonghinga ni Xolani.
"Parang ako iyong malagutan ng hininga dahil sa tensiyon," nakahawak sa tapat ng dibdib niyang bulalas.
Kung sa ibang pagkakataon siguro ay matatawa ako sa reaksiyon niya.
Hindi ako umimik at lumapit sa ilang gamit kong dala niya upang maghanap nang maisusuot. Ngayong alam na ni Tito Felan ang plano ko ay tiyak na mabilis itong makarating sa iba pa.
Alam kong susubukan no'ng iba na kausapin ako. Ayoko munang harapin ang kahit na sino kaya mas maiging aalis muna ako.
Hindi ako mananatili sa iisang lugar. May iilang meetings ngayong araw na kailangan kong attend-an. Bilang representative ko ay si Caroline ang dadalo pero parang gusto kong p
