Dumaan pa ako sa may park upang maglakad-lakad at para na rin makapag-isip-isip muna sa mga nangyari kanina. Lalo na sa amin ni JD, sa pag-iwas niya sa akin na akala mo hindi niya ako kilala. Dapat ako 'yung umiwas dahil sa ginawa niya pero wow lang! Dahil siya pa talaga ang dedma pero kung makatitig naman wagas! Bwesit siya.
Pero naisip kong ayos na rin na tumambay muna ako dahil alam ko naman na nag-iinuman pa rin sila Kuya sa bahay. Matagal silang matapos at may milagro pang kasunod na gagawin kaya sinadya ko rin talagang magpatagal pa ng kaunti. Para pagdating ko sa bahay ay tapos na sila at makakatulog na rin agad ako. Subalit napasarap ang pag-duyan ko kaya medyo napatagal pa lalo at umabot pa ako ng ilang oras sa pagtambay doon. Kung hindi lang tumawag si Kuya ay baka naroon pa rin
