Nakatitig lang si Adam sa aking mga mata. Mapapansin ang mga katanungan na nais niyang malaman at hindi ko siya bibiguin na mabigyan ng kasagutan.
"Siya si Tito Phillip mo, siya ang long-time boyfriend ko," sagot ko.
"FYI, ex-boyfriend, Cally. Humihingi ako ng paumanhin sa hindi ko pagkatok, I just want to give this to you," ani Phillip habang hawak ang isang pumpon ng paborito kong red roses at isang paper bag na sa tingin ko'y regalo niya para sa akin.
Nasaktan ako ng labis sa sinabi niyang ex-boyfriend. Bakit ganito ang nararamdaman ko? Bakit parang may ilang libong karayom na tumutusok sa aking puso?
Pansin ko ang paghugot ng isang malalim na buntong-hininga ni Phillip. Kung alam lang sana niya kung gaano natutuwa ang aking puso nang makita siyang muli. Gusto ko siyang lapitan at
