HINDI naman sila nakahanap ng kalapit na botika. Tanging tindahan na benter kuwatro oras kung bukas lamang ang kanilang nasumpungan. Pinaupo niya si Aristhon sa upuang nakalagay sa harapan na naliliman ng malapad na berdeng payong.
"Dito ka na lang. Ako na lang ang papasok," aniya rito nang bitiwan na niya ang braso nito.
Naupo nang maayos si Aristhon na inaalis ang kamay sa tagiliran. "Bumili ka na rin nang makakain. Nagugutom ako," ang sabi naman nito sa kaniya.
"Sige," tipid niyang sabi't humakbang na patungo sa tindahan. Nakailang hakbang lang naman siya nang mapagtanto niya ang isang bagay. Muli niya na lamang si Aristhon na pinagmamasdan ang mukha nito. "Kailangan ko pala ng pera. Nakalimutan ko na wala ako niyon," dugtong niya sa paghakbang niya pabalik sa kinauupuan nito.
"Oo
