HINDI na bumalik sa palaruan ang babaeng bisita ni Aristhon. Hinatid na lamang nila ito sa likuran ng pangunahing gusali ng piitan kung saan naghihintay ang sinakyan nitong itim na kotse. Doon niya lamang naintindihan na ginawa lang nitong magpalaro sa mga preso ara makapasok nang malaya sa piitan. Hindi niya lang malaman kung kasintahan ba ito ni Aristhon. Pero sa nakikita niya sa mga ito nang sandaling iyon mulkha ngang mayroong namamagitan sa dalawa. Naghalikan ang dalawa habang nakasandig ang babae sa itim na sasakyan. Walang ibang tao roon kundi sila lamang kasama si Ismael at ang guwardiyang nagbabantay sa kanilang selda. Kahit marahil mayroong pang ibang taong makakita sa mga ito itutuloy pa rin ng mga ito ang paghahalikan. Dahil nga binabalewala lang din naman sila ng mga ito pagta
