Sabado ngayon kaya maaga akong nagising pero matagal akong nanatili sa higaan ko sa sobrang katamaran. Tinatamad akong kumilos at tumayo. Namumugto pa rin ang mga mata ko doon sa pinanood kong movie kagabi.
Naisipan ko kasing manood since hindi pa naman ganun ka busy sa school and start pa lang naman ng klase. Sinusulit ko na dahil may practicum na kami sa second sem yata.
“Nak? Kelly!”
Binaba ko ang hawak kong phone na muntik na mahulog sa mukha ko dahil sa gulat sa sigaw ni mama at katok sa labas ng pinto.
“Ma!” tamad na tamad kong sagot dahil ayoko pa talagang tumayo.
“Bumaba ka na at kumain. Tanghali na.”
Napangiwi at bumuntong hininga.
“Ma, sabado naman ngayon eh!” Sigaw ko pabalik.
“Sige, ikaw ang bahala! Ngayon pa naman ang balik ni Kevin sa Cebu! Hindi ka man lang ba
