CHAPTER 34
NANGHIHINA NA binuksan ni Hera ang pinto ng kotse. Pagtapak pa lang ng isa niyang paa sa semento ay nakaramdam na agad siya ng pagsusuka. Kaya naman, hindi na niya napigil ang sarili, agad siyang nasuka sa sahig na tinatapakan niya, dahilan upang mabahiran ng mabahong amoy ng suka ang damit na suot niya.
Mabilis naman ang naging pagkilos ni Levy, agad niyang nasambot ang tutumba na namang si Hera. Sa palagay niya ay muli na naman itong nahilo. Maling-mali na hinayaan niya ang dalaga na bumaba sa sarili nitong mga paa. Pinipigilan niya kasi ang sarili na tumingin sa babaeng ito nang matagal. Dahil baka hindi siya makapagpigil. Baka hindi niya mapigilan ang sarili.
Agad silang dinaluhan ng staff ng hotel kung saan sila ngayon mananatili. Ito na kasi ang pinakamalapit na h
