Mag-iisang linggo na rin ang nakalilipas mula ng insidente sa eskinita. Hindi ko na ipinaalam sa pamilya ko ang nangyari at ayaw ko nang mag-alala pa sila. Ang importante ay ligtas akong nakauwi ng bahay sa tulong ni Alvin.
Sobrang na-trauma pa rin ako sa mga nangyari kaya mas minabuti ko nang magkulong na lang sa loob ng aking kuwarto.
Ilang beses na rin akong dinadalaw ni Alvin para kumustahin. Ganoon din si Bernard at Jerry pero hindi ko sila hinaharap. Sa ngayon ay gusto ko munang mapag-isa at mag-isip-isip kung paano kami mamumuhay na mag-ina.
"Anak, gising ka na ba?" dahan-dahang pumasok ng kuwarto ang aking nanay.
"Opo, ‘Nay." hindi naman ako makatulog. Gusto ko lang humilata sa kama maghapon.
"Anak, hindi maganda na nakahiga ka lang palagi sa kama lalo na sa kondisyon mo. Kai
