Chapter 22
“Bakit parang hindi ka mapakali riyan?” nagtatakang tanong ng dalagang si Camilla kay Kara.
Nilingon ni Kara ang kaibigan bago sumagot. “Eh, kasi, hindi ko alam kung paano ko sasabihin kay Tatay Antonio na may nanliligaw sa akin,” namomroblema niyang sabi.
“Bakit naman? Hindi naman siguro siya magagalit sa iyo. Saka, matanda ka na, Kara.”
“Iyon nga lang, mas matanda pa sa akin ang manliligaw ko,” natatawa niyang sabi. Kaagad niyang natakpan ang sariling bibig at gulat na binalingan ang kaibigan.
“Oh, bakit parang gulat ka naman? Totoo naman na matanda sa iyo si Doc. Saka ano ba ang nakakagulat doon? Mas magtataka ako kung mas bata sa iyo si Doc, Kara.”
Tumango siya. “Wala naman. Sinabi niya kasi sa akin na hindi muna ako magnonobyo,” nakasimangot niyang wika.
Naglalaka
