Bago tumunog ang alarm clock sa bedside table ay nauna nang dumilat ang mga mata ni Apollo. Nauna pa rin siyang gumising kaysa sa buntis niyang asawang si Ahtisa. Tulog na tulog pa sa mga bisig niya ang asawa. Nakaunan ito sa dibdib niya, at nakadantay ang isa nitong kamay sa baywang niya. Ang isa nitong binti ay nakapatong din sa hita niya.
Cute.
Gustung-gusto niya ang init at lambot ng katawan nitong nakadaiti sa kanya.
Pinasayad niya ang likod ng hintuturo sa tulay ng manipis na ilong ni Ahtisa at pinadulas ang daliri pababa hanggang sa dulo niyon. Umungol ito, umangat ang isang kamay at kinamot nito ang ilong, bagay na ikinangiti niya.
His wife was really cute. Hindi siya magsasawang pagmasdan ang mukha nito araw-araw, at sa bawat pagdilat ng mga mata niya sa umaga.
Bago pa mag-a
