Napatuwid ang likod ng mag-asawang Novaro nang marinig ang sinambit ni Apollo.
I found her already.
Nahanap na ni Apollo ang anak ng mag-asawa? Maging si Ahtisa ay napalingon sa lalaki. Makikita sa anyo ng mukha ng CEO ang nagbabaga subalit kontroladong pagkapoot, habang nakatitig ito sa mag-asawang nakaluhod ngayon sa harapan nila.
Ang mukha ng mag-asawang Novaro ay nag-uumapaw sa emosyon—sa mabigat at malalim na emosyon. Muli ay kumuyom ang isang kamay ng may edad na lalaki sa tapat ng dibdib nito. Ang ginang naman ay nakatitig sa mukha ni Apollo, subalit mahahalatang may malalim itong iniisip. Pareho nang emosyonal ang dalawa.
Yumugyog ang linya ng mga balikat ni Mrs. Novaro, humagulhol ito at humawak sa paa ni Apollo. “S-sabihin mo sa amin kung nasaan na ang anak namin. Matagal na
