Chapter 46: TAKING LIVES
Morphie BINATAK ko ang tali ng pana ko na may tangkang paulanan ng atake ang pasugod na mga Mutuah sa kinalalagyan namin ngayon. Hindi ito ang unang pagkakataon na makakasagupa namin sila kaya naman kahit papaano ay alam ko na ang mga ginagawa nilang pag-atake at taktika. Ito na ang oras upang alamin kung may kakaibang lakas ba ang armas na hinanda ko ngayon. Pinutirya ko ng todo ang hangal, sa lakas nang pagkakabatak ko sa palaso ko, hindi ako nagdalawang isip kung tatami ba ito sa kaniya. Puk, at sapul! Tumalsik siya dahil sa pagkakawala ng kaniyang balanse. Dalawang mata ko itong pinagmasdan na bumagsak mula sa himpapawid. Nauna ang ulo niya kaya’t tila isa itong murang itlog na sumabog sa kalupaan. 'Unang buhay para sa buhay ng mga aking mahal.' Hindi na hinayaan pa ng hukbo n
- Writer
