Chapter 45: THE QUEEN'S BLESSINGS
Morphie “NAKARATING sa akin ang balita na paparito ka raw sa kaharian Chrollo,” isang payapang musika ang dulot sa akin ng boses ng mahal na reyna. Tila umaawit siya sa pandinig ko. Hindi ito tila Hele ng isang makalingang ina na nakaaantok. Sa isang ito, magigising ang diwa mo ngunit ika'y mahihipnotismo. Sa umpisa pa lang, naibigan ko na ang bawat salitang ikinukumpas ng mga labi niya. Tiyak nga na ganoon kalakas ang impluwensya niya dahil nagagawa nitong mapalawak ang imahinasyon ko, kahit hindi nakatingin ng direkta ang mga mata ko sa kaniya ay nabubuo ang naggagandahang imahe sa aking isip. “Maaari niyo nang i-angat ang mga ulo niyo.” Nang sambitin ng mahal na reyna ang linyang ito ay nanginig at na-excite akong inangat ang ulo ko. Jot it down, may kaunting pag-shaky pa iyan ng
- Writer
