Nagpatulong na lang siya sa ilang crew ng bar para maisakay niya sa kotse si Lance. Siya na ang nagdrive ng kotse ni Lance pauwi sa condo unit nito. Marunong naman siyang magmaneho at nagenroll siya dati sa isang driving lesson dahil binalak niyang magtrabaho sa ibang bansa. Pero sa huli ay hindi pa rin niya kinaya na iwan ang kanyang anak. Naisip niyang minsan lang magiging bata si Allison kaya sinikap niyang nasa tabi nito habang lumalaki ito.
Pagkatapos niyang ipark sa ground floor ng building kung saan nandun ang condo ni Lance ay niyaya na niya itong bumaba ng kotse.
Nakakalakad pa naman ito kahit papaano kaya inalalayanan na lang niya ito at hinawakan niya ito sa bewang. Samantalang si Lance ay nakaakbay naman sa kanyang balikat.
"Ano ba kasi ang naisip mo at nag
